سلام والتسليم سنه مؤكدة=والرد واجب واسمعوا باق الأبيات
الله رب الكون وإحنا نوحده=ما نعبد العزى ولا نعبد اللات
صوتي بكل ألوان شعري اردده=في مجمع الحفلات وأيضا بخلوات
وليا تحرك هاجس الشعر حدده=الشعر يبقى دهر لو صاحبه مات
أطلق عنانه والحذر لا تقيده=القيد يمكن يوقعه في مطبات
أجمع شتات أفكار كانت مشردة=وأصبغها صوغ الذهب للحسينات
وأحرص على نظم القصائد مجردة=أعسف الأمثال لو هي صعيبات
أبني بيوتا شامخات مشيدة=تصمد مدى الأيام عن كل هزات
وأترك بعضها بالضمائر مجمدة=وليا تداعت قلت عودي ولو جات
معا ني الأشعار نار موقده=تهدا زمن وتثور في وقت لازمات
العام هذا عيد حنا نمجده=ذكرى تجمع شملنا بعد الأشتات
سيرة بطل سيره حميده مخلدة=عبدالعزيز مروض الذئب للشاة
ما جات له بالهون والسيف مغمده=حتى قضى على جميع الخرافات
كل باب فيه الشر بادره وأوصده=وحكم كتاب الله في كل الأوقات
حارب ظلام الجهل والجهل منكده=يهدم بيوت العز لو هي رفيعات
خدم حجيج البيت والدرب عبده=لين استعى وطاف حتى الضعيفات
رحل وسلمها عضوده وسعده=أمن ورخا والخير نعمه ولذات
واهنوا بعهد الفهد رأيه يسدده=حكيم عصره بالرخاء والملمات
تاريخ كله خير مقدر اعدده=يحتاج له صفحات كثر وسجلات
صرنا بفضل الله أمة موحدة=اليوم جاهلنا قرأ كل الآيات
زرع زرعه اليوم في عز نحصده=من بعد صبيا ليا ضواحي القريات
ومن بحرها بالشرق لو كان مبعده=اليا حدود البحر غرب وعرفات
والعهد لآل سعود دوما نجدده=ما نعبد العزى ولا نعبد اللات

صح بدنك ولا هنت



ردك اسعدني



لك تحيتي

بارك الله فيك



سعدت بردك


لك تحيتي

الف شكر لك على هذا الرد الجميل


سعدت بتواجدك بصفحتي


لك تحيتي