جيتك وأنا كلي من القلب مدفوع=يزفني اليك مليون جني
ما جيتكي بالغصب جاي لك بالطوع=تسبقني الأحلام مع حسن ظني
بأخر طريقي قلت لي قف ممنوع=ما كل مرغوب يجي بالتمني
الدرب قدامك ترا صار مقطوع=غير مسارك وإبعد الشك عني
كانك تحب العافية عود برجوع=هذي نصيحة إقبل النصح مني
هذا طريق الموت بالدرب مزروع=جنب عنه قدام لا تمتحني
بدل حياتك غير النوع بالنوع=ما يتفق بالدين شيعي وسني
قلت العفو الراس لا زال مرفوع=والقلب راسي والفكر ما يخني
لا تحسبني جا يك اليوم مفزوع=والا من اللي يعشقون التدني
أنا ترا ماني من الناس سعسوع=أنا على القمة وأهوجس وأغني
ما همني لا هزت الريح زعزوع=عواصف الأيام ما زعزعني
ماني براجي شيء ماهو بمشروع=ماض الليالي والفكر علمني
ولاني بشاري موتر صار قربوع=ولاني بشارب غير هيلي وبني
والحر لا منه نوى الجو بيزوع=ماهو بحاجة في عطا من يمني
عمر الأسد ما صار في يوم جربوع=والعقل زينة والرضا بالتأني
على الشرف والعز والطيب مطبوع=أخذ الجواب وخل عنك التجني
والله مركع لو تمنيت لركوع=الا لرب العرش أسجد و وني

صح بدنك ولا هنت


لك تحيتي

الف شكر لك


الذوق منك وفيك


والجزالة في ردك


لك تحيتي

صح بدنك ولا هنت


لك تحيتي

صح بدنك ولا هنت


ردك أروع


لك تحيتي