ياصاحبي ماأظلم من وجيه الليال المظلمه=إلاإنك تغادرعن عيوني وتنوي بالرحيل
إحساس مايجلب على صدق الشعور المفعمه=إلاالتعب واليآس وأيام الوصال المستحيل
تعال خاف القلب تقفي عنه وتنسى تعزمه=وأنت الوحيد اللي سكن وسطه وش أغلى من نزيل
تعال شمس العيد نورالليل شعر الملهمه=اللي لها يرقص فراش الورد ويزيد القليل
تنرجست من قدها كثرالحسن فيها سمه=من حقها مدامك أنت اللي لها دايم عديل
تعلمت عشق البدو عشق القلوب المرشمه=اللي تخاف من الجفاء وتصد عن قالن وقيل
بين الضلوع العوج وسط اللي يحب وتقسمه=بيني وبينك أنت من غيرك له عيوني تخيل
خلك هنا لاتجرح الخافق ولاترخص دمه=مدامك أغلى من نفس روحه ونبضه يالخليل
جيتك وجاك الشوق مع صدقي وشعري يرسمه=في كل بيت ألقاك فارس حلم لورودي تميل
تنفسك روحي وروحي فيك روحن مسلمه=شبت على رد الوفاء والصدق والعلم الجميل
دونك يموت الذل وتحيى كل نخوه معدمه=في عيني أنت الرجل وأنت الفعل والسيف الصقيل
عشقت فيك أشياءواجد بين بآس ومكرمه=وكرهت طول البعد لاساد الجفاء ماله بديل
وشلون ماأحبك وقربك طيب جرحي بلسمه=أعظم مراحل عمري الحالي وقصة كل جيل