نسيتنـي علمنـي شلـون ابنسـاك=
في هالزمن نسيان الاحباب عـادي=
وشلون لامرت على البال ذكـراك=
وطيفك سرق مني لذيـذ الرقـادي=
وشلون لا قالوا لي الناس وش جاك=
من كنت في لذة منامـك تنـادي؟!! =
وشلون اعيش اللـي بقالـي بليـاك=
لا من غدينا كل واحـد.. بـوادي=
لو قلت اداوي جرحي اللي تباطـاك=
ماكل جرح يفيـد فيه...الضمـادي =
اعلنـت حبـك ليـن كـلٍ تمنـاك=
غلطه وغيري من خطاي استفـادي=
لو لي مثل قلبـك تمنيـت فرقـاك=
واكيد قبلك بالجفـا صـرت بـادي=
حلـوه عذاريبـك وحلوه..مزايـاك=
حتى بيوم فراقنـا.. كنـت هـادي=
كن الليالي ودهـا تكسـب رضـاك=
وآنا يطول مع الليالـي .. جهـادي=
في ذمتي.. ماهي غريبة خطايـاك=
مبطي وقلبك لو تنبهـت.. غـادي=
سهله على من كان مثلك وشـرواك=
مثل الثياب.. يغيرون .. المبـادي=
علمنـي اكره..ذكرياتك..وطريـاك=
وانسى من الليلة.. صدوق الودادي =
ولاني بقايل عقبها ..ويـن ابالقـاك=
راضي لو ان جروح قلبي .. جدادي=
ولاّ القصايد.. جعلها مـن فدايـاك=
لبستها.. مبطي ثيـاب ..الحـدادي=
باكر على المخطي يدورنّ الافـلاك=
ونشوف.. من يصعب عليه البعادي=