بديت بأسم اللذي فرض حجة البيت =رب ٍكريم ٍ وبالخلايق رحومي ..
رب الملآ منشي المطر باعث الميت = مبدي شعاع الشمس عقب الظلومي ..
أقول في مبداي وأبدا بياليت = يحصل المطلوب واقضي لزومي ..
من والدا لأجله من النوم فزيت=فزة غريب ٍ جاه بعض العلومي..
يابوي أنا ياكم سهرت وتمنيت=إني معك في كل ليلا ويومي ..
ويابوي أنا ياكم مع القاف غنيت=وسريت مع ذكراك مسرى النجومي ..
ويابوي أنا عن خطوتك ماتعديت = لوكان غروني عيال الرخومي ..
ربعي وعزوتي افخر بهم لا من تعزويت=وماألوم نفسي لو بالمشاعر تلومي