وش فـائـدة الــزاد والـنـوم والـشــرب = مدام فــودي بـــه سـكـاكـين وحــروق
المـسـألة ماهـي علـى الطـرح والـضـرب = المـسـألـة مـا بـين عـاشـق ومـعـشـوق
المـشـكلـة مـاهـي على البـعـد و القـرب = المـشـكلـة وش لـون نـخـلـة بـلا عـروق
هـذا زمـان الغـدر والنـصـب والـكــذب = الـصـدق والإخـلاص كـالـعـود مـحـروق
وقـت الـوفاء اليـوم ولاء مـن الـنـصـب = والحـر نـسـل الـحـر يصـبـر على العـوق
جـروح قـلـبـي مـايداويها الـطـب = مـايشـفـي جـروحـي عـقـاقـير وحـقـوق
الـعـذر مـاينـفـع لـيـا جـاك بالغـصب = والـجـرح مـايشـفـى من لايح بــروق
أسـير لـكـن لـيـس أسـير فـي حـرب = سـجـين هــم و حـزنـه مـطـوقـه طـوق
رمـاح جـات القـلـب من الشـرق والغـرب = و صـارت قـضـيـة بين سـارق ومـسـروق
قـضـيتـي تـزلـزل الـهنـد والصـرب = قـانـونـهـا مـصـدره أعــز مـخـلـوق
حـكـم علي بحـكـم أعـنـف من الضرب = وقـفـل على مـفـتـاح حـكـمه فــصنـدوق
ممـاجـرالـي قـلـبـي مـضـيع الـدرب = الـفـكـر مـتـشـتـت و الـحـال مـزنـوق
أيـام مـرت مـعـرف الـزاد والـشـرب = سـجـين يتـحـرى يـقـول أنـت مـعـتـوق
بـصـبـر لـو الصبر يحـرق لـي القلب = الـمـوت حـق وكـل مـطـرود مـلـحـوق
يـالله زيـل الـضـيق و الـهـم و الكـرب = فـرج لـمـن أصـبـح مـن الحـزن مخـنـوق
طـالـبـك يـا معـبود و أرجـوك يالـرب = تـغـفـر لـمـن قـلـبه من الـهـم مشـقـوق

المشاركة الأصلية كتبت بواسطة ابن عميش (المشاركة 75298) الذيب يشرفني ان اكون اول من تصفح هذا الابداع الراااائع والجميل صـــح لسانك وسلمت يمينك ..لك التحيه والتقدير

المشاركة الأصلية كتبت بواسطة القنـــــاص (المشاركة 75308) صح لسانك مليون ولا يكفون رائع كعادتك الله يعطيك العافية لك التحية

المشاركة الأصلية كتبت بواسطة أبو ناصر (المشاركة 75310) صحّ لسانك يالذيب على هذه القصيدة تقبل تواضع مروري