بسم الله الرحمن الرحيم
طرحت بالمنتدى قصيدة للشاعر المعروف مرزوق الثبيتي
الشروط العشر ............قصيدة مميزة ورائعة
صوتية على هذا الرابط
http://www.alqwafel.com/vb/showthread.php?t=13046
مكتوبة على هذا الرابط
http://www.alqwafel.com/vb/showthread.php?t=13044
تتسم بالعتاب ومحاولة تركيع كبرياء المحبوبة المتغلية
وها أنا أطرح هذه الأبيات التي تتسم بأسلوب الرضا
فإن أصبت فهو ما تمنيت وإن أخطأت فالعذر والسموحة
وأترككم مع الأبيات والمقارنة لكم
مرزوق حط شروطه العشر في ذيك=ماهو مهاويها مثل ما هويتك
لو كان راعاها مثل مابراعيك=ما كان قال إلا حياتي فديتك
أول مطاليبي عسى الله يحميك=ياللي فؤادي صار قصرك وبيتك
ثاني مطاليبي عسى الله يخليك=يا بسلم جروحي ليا من رجيتك
ثالث مطاليبي تدلل وبعطيك=لو تطلبين الروح مني هديتك
رابع مطاليبي من الحب برويك=حتى وأنا في غيبتي ما سليتك
خامس مطاليبي من العين بسقيك=وأشرب رضاك وبالهنا ماسقيتك
سادس مطاليبي عن الكل مبديك=حتى على روحي حشا ما شكيتك
سابع مطاليبي أحبك بما فيك=ياللي تجيش الروح كل ما طريتك
ثامن مطاليبي عسى الله يحييك=القاك حولي بكل وقت بغيتك
تاسع مطاليبي ليا غبت أناديك=تعال ياللي للمشاعر حكيتك
عاشر مطاليبي حياتي وبرضيك=بحضان حبي في فؤادي ربيتك
مافي خير إن كان بالروح مفديك=مستاهلك لا كان أنا ما حميتك
العمر كله واضعه بين أياديك=ترضي غروره يالغلا لا نخيتك
أنتي عناويني كتبتك وقاريك=على صحائف خافقي ما محيتك
ياروح روحي كل مافي هاويك=أموت وأنا بالفا ماجزيتك