يـا شـيـنـهـا
يـاشـيـنـهـا لا كـنـت مـابـيـن نـاريـن =نـار الفـراق ونـار جــور اللـيـالـي
المشكـلة لا صـرت مـابين حـبـلـيـن =واحـد يـشـد يمين وواحــد شـمـالـي
الـوقـت فــرق بين أغـلا الـمحـبـيــن =أبـعـد وشـتـت بـين غـالـي وغـالـي
غـريـب متغـرب ويشكي من البـيـن = مـاغـمـضـت عينه على كل حـالـي
فـراق نـور العين وحـزنـه عـناويين=الـحـزن فـي قـلـبـه شـيـب وطـالـي
لا شـك هـمـه مناظرت كـامل الـزين =روح الضمير اللي حسـين الدلالي
بـنـت الرجـال اللي لـهـم فـالـميـاديـن=بصمة وجولة وقدرهم فوق عـالـي
مـن نسلها الذئب والصـقـر شـاهـيـن =إلـهـم مـعــزة وقـدرهـم فـالـعـلالـي
فـرسـان وشـيـوخ وملوك وسلاطـين=إلهم حشمة تفـوق وصف الخـيالـي
شجـعـان وقـروم ونخوة وحـريصين = عــلـى خـطـا الأجــداد أول وتـالـي
مـاهـي خـسـارة لجلهم تـذرف العين = البعـد عـنهـم مـر والـشـوف حـالـي
الـوقـت شـب النار جـوف الشرايـيـن=وصبح وحـيـد الـدار والحظ مـالـي
مـالـت بـه الـدنـيـا مــيـل البـسـاتـيـن =مـرة يـروح يمـيـن ومـرة شـمـالـي
جـور اللـيـالـي حـول الزين إلى شين =وصار البدر فـالعين مثل الـهـلالـي
حـزيـن وهـمـومـه فـي قـلـبـه ملايين =القـصـر شـامــخ بـس مالـه ظلالـي
البـيـت سـقـفـه سـعـف وجدارته طين =أخـيـر مـن قصـرٍ من الناس خـالـي
يـاتـيـك جـارك لـبـتـعـد لـو يـومـيـن = يـسـأل عــن حـالـك وعــمٍ وخــالــي
طـبـع التكـاتـف واضـحٍ بين الاثـنيـن =كـلاً يشيل الحمل حـمـل الـجـمـالـي
ماجاب إلـه موتـر مصنوع فالصـيـن =أقــدام سـاقــه مــوتــره فـالـجـبـالـي
وقـت الشـدائد قـسـوة تـحـجـب اللين = وعـنـد الكـرم والجـود مـالـه مـثـالـي
هـذا الـزمـن قــفــا مـثـل المـقـفـيـيـن=ويــقـــول يــأتـيــكــم زمــانٍ بــدالــي
اليـوم جـانـا الـنـت مـدري من ويـن =الـشـات جـمع الـبـنـي مـع الـعـيـالـي
تـتـخـالـط الأسـمـاء مـا بين جـنسـين=ومـاتعـرف الطيب من أهـل الهـبـالي
الـنـت مـثـل الـسـيـف يـأكل بجـنبـين=جـنـبٍ مـفـيـد وجـنـب يـاويـل حـالي
الـوقت هذا الفرد في بحـر عـشـرين =يـشـيـب رأســه ومـا وصـل للمنالـي
لـيـا طـلـبـتـه حـاجـه يـقـول بـعـديـن =خـلـك مـثـل ما كـنـت مـالـك ومـالـي
كـثـرت مشـاكـلـنـا وكثروا هل الدين =ولـو تنتـظـر عـامين ما عنك سـالـي
نـاسٍ لـهـم فـالـقـلـب فـل وريـاحـيـن =ونـاسٍ تـمـنـى تكـب عنك الوصـالـي
الـمـشـكـلـة إن الحــبـايـب مــولــيـن =مـحـد سـأل عـن حالتي وش جـرالـي
الـقـلـب مطلـوبـه تـرى بس ثـنـتـيـن =مـهـرة أصيلة وشـوف ذاك الـغـزالـي
اللـي فـراقـه قـاسـم الـقـلـب قـسمـين =مـن جـور بـعـده أشغـل الـيـوم بـالـي
يـالـيـتـنـي كـالطيـر أمـلـك جـنـاحين =أكـفـخ بـهـا وشـوف سـيـد الـجـمـالـي
لـكـن هــذا مـقـدره عــالــم الــبـيـن =الـخـالـق الـمـعـبـود عـزيـز الجـلالـي
يـالله يـامـنـزل تـبـارك ويــاســيــن =يــاعـالــم بـخـلـقـك فــي كـل حــالــي
يالله لطفك يـوم عـرض الـمـوازين =ثـبـت لـنـا الاقــدام ثــبــت الــجـبـالــي