تخاصمنا على كلمة تصالحنا على كلمه=كأنا في تصرفنا بعد شبنا رجعنا أطفال
ليا من رحت جا يمي ولا من راح أجي يمه=كذا صار الوله مابيننا يشبه لشد حبال
أقل شيء(ن)يزعلنا يفور دمي ودمه=وأقل شيء(ن)يفرحنا لوإنه مي بالفنجال
يشاركني بعض همي ويشكي لي بعد همه=نحل اللي نحل ونترك اللي ما لها حلال
يغيب شوي في يمي وأغيب شوي في يمه=ونرجع مثل ما كنا وننسى ما جرى بالحال
ونبدأ جولة(ن)أخرى نفك الشيء ونخمه=حصان الوقت يركض حلمنا في صهوته خيال
وحنا في طريقه نرمي المقسوم وتلمه=حكاية عمر ممزوجة من الأقوال والأفعال
كبرنا والطفولة جوفنا تجلس على القمه=ترافقنا طفولتنا بوقت الحل والترحال
بن هليل
صح السانك در الحقيقة قصيدة جميلة بما تعني من كلمه
قصيدة تتذكر فيها ايام الطفوله وسعت الصدر والبساطه
تقبل تحياااااتي الخاااااصه
صقر عتيبة