أسعد الله أوقانكم بالخير والمسرات
واليكم الأبيات علها تروق لكم
من الفرن للمائدة طازجة....لا طازج الا الطازج
وين الذي قلبي يحبه ويغليه=وين الذي شوفته تبري جروحي
وين الذي روحي تريده وتفديه=وين الذي ما يبلغنه مدوحي
وين الذي روحي بحلمي تناديه=تعال يا سعدي وجامع فروحي
ضم الضلوع وضم قلبي بمافيه=شوقي ولوعاتي وسري وبوحي
كل الذي في دنيتي صاير أرجيه=قربك لأنك صرت كلي وروحي
ودك سكن بالقلب والوصل يحييه=وإن كان طالت غيبتك وين أروحي
ما عاد لي بالكون خلٍ(ن)مهاويه=كلي ينادي عود لا كان توحي
تعال ضم الشوق ياهيه ياهيه=وأخذ بقايا العمر جد ومزوحي
الصبر خلص والعمر ناح عاويه=والدم يغلي والمشاعر تنوحي
واللي بقا لي منه ما والله أبيه=أظلم زماني ما بقا له وضوحي
قلبي وفكري بعدكم من يغذيه=أثر الفراق المر قاتل ذبوحي
هذي عناوين الغرام وبلاويه=باقي تفاصيله تحاوج شروحي
بعد فراقك يابعد كل مغليه=اسم الهنا ممسوح من كل لوحي