هذا الوطن هو فّلتي وْمسكن احلامي
ما ابدله بقصور ولا عمارات

أشوف فيه الأب والأم وارحامي
واشوف اخواني وْقريب الصداقات

قد عشت فيه طْفولتي وْحلو الايامي
شهد البراءة فاق كل الملذات

ما احس انا في موطني بصعب الالامي
كل الأمور تْهون وتصير همسات

وكل المناطق لي تداعى وتنضامي
والى شفيت تحول الدمع بسمات

هويتي أفخر بها طول الايامي
وابقى قوي الباس مع كل الازمات

كل يبي جنسيتي عُرْب واعْجامي
لي راية تهزم جيوش ورايات

أنا السعودي غير عن كل الّلا نامي
كل يبي قربي نجوم وغيمات

يارب انا أطلبك يارب الانعامي
يدوم هذا العز في كل الاوقات