لونعرض الصدق في سوق الحراج
مـا لـقــيــنـا من يــزاود فـي شــراه
بـس انـا فا لـقــلـب بـاني لـه كـراج
واعـتــقــادي أن في صـدقـي نـجــاه
كـيـفـمـا كـانـت حـيـاة ن و احـتـيـاج
والـلـه الـخـالـق و لا يـرزق ســواه
رزقـنـا مـقــسـوم مافــيـه أحـتـجـاج
مـثــل وجــدان الفــواكـه مـن نــواه
والـسبـب يـعـضـد غـريـزه وابـتهاج
يـرسـم البسـمـه بـتـحـفـيـز الـشـفاه
بـين خـيـر وشـر ناهـس وانـزعـاج
كــل واحـــد راســمــالــه مـانـــواه
في هـدى النجـدين حظـوات انفـراج
و فــيـه قــرآن ن لـدسـتـور الحـيـاه
من ظـلام الجـهــل صار الـنا سراج
والرسول المـصـطـفى نـتـبع خـطـاه
وا لـتـزام الصـدق مـيـراث وعـلاج
و صـحـة المسـلم على فـحـوى أناه
لـيـش نـشـطـح للمكـابـر و اللـجـاج
والـوفـا بـعـد الـمـمـات اكـبـروصـاه
والـسـلوك اللي كمـا عـكظ النـعـاج
عقـل بطن وعقـل جنس وفـكـر شاه
ما نعـرف الماء قـراحه من هـماج
كــل مـن غـــنـــًا تــحـــركــنــا وراه
لو ونـاستـنا عـلى حـسـب الـمـزاج
صار فـيـنا اشـياع واخـبـولن بـغـاه
في حـيـاة ن غـمـًهـا كـثـر العـجـاج
و اصـبــح الـروتـيـن سـًر الأتــجـاه