يعشق العربي أرضه وصحاريه
يعشق ريمها وغزلانها وجوازيها
كثيرا ما وصفت النساء بذلك ولعل الجازي قليل من الناس من يعلم بأنه من أروع الضباء
لذا اخترت لهذه القصيدة بأن يكون اسمها الجازي بين القصائد
المشاعر رحبت قدام لا ينطق لساني=بالهنوف اللي تزيح البدر وتعود مكانه
مرحبا يالجازي اللي مالها شبيه ثاني=حسنها طاغي وفيها دل مسبوك برزانه
لا تجلى نورها نور دهاليز المكاني=عطرها لن هبه النسناس كل الجو زانه
كل نظرة من عيون الفاتنة تذكي جناني=وكل همسة من شفاه الفاتنة تنسي ديانه
أتمناها خيال وجابها الله في زماني=الله إنه لا يغير روعة الزين وزمانه
عاشت الفرحة بروحي بعد حظٍ(ن)قد جفاني=ابتسم وقتي بعد طول التجافي والمهانه
عادت الفرحة تراقص بالقصايد والأغاني=انتشى شوقي وشعري صار بالموقف لسانه
تحتضنها كل نبضة بالجسد حس ومعاني=لو عشقها شيخ ضيع كل نصٍ(ن)في قرانه
هذي الجازي تفرد بالنساء شكل وبياني=قاهرة كل العذارى بالشموخ وبالمكانه
ما عشقت الجازي الا يوم كسبت للرهاني=واستحلت فكري اللي طاعها وأطلق عنانه
للقصائد في عنود الصيد وأرخيت العناني=للمشاعر تحضن الجازي بلا خبث ولعانه
يالهنوفٍ(ن)قد تجلت بالحسن بين الحساني=ما يكفيها تشوف البدر وتقابل وزانه
المشاعر رحبت قدام لا ينطق لساني=بالهنوف اللي تزيح البدر وتعود مكانه