أسعدكم الله دنيا وأخرة
الأبيات تعبر عن مضمونها
علها تروق لكم
أنا البارح سرابي هاجسي وأفكاري تحثه=وزرت لمنتدى ربعي عتيبة بالهجد ساري
كتبت معرفي بالموقع ولبى شبك بثه=نشر ماخطته يمناي عجلٍ عبر الأقماري
ياشين العُود لا منه دخل في باطنه عثه=يروح العود بأسباب النقد خماد وكساري
وأنا ماني زبون لبيعةٍ أعوادها خرثه=عتيبيٍ(ن)وربعي كلهم يدرون بأذكاري
لقيت بصفحة الشعار شيءٍ(ن)يشبه الجثه=لا هو حيٍ(ن)ولا ميت مسدى والنسم ذاري
نشدت وقلت منهو قالوا مسير لعن ترثه=وربك سدحه عده ترى ماهو بنا داري
يدير عيونه الثنتين فيها باينٍ(ن)خبثه=لكنه ما يميز بين بياع(ن)ولا الشاري
تقربته وأنا ماكان قصدي جايه أغثه=لكنه صاح قبل المسه صيحة واحد مثاري
نذالة من مثاري والنذالة جايته ورثه=وأنا شيخٍ(ن)وعارف للدوا بقراية القاري
قريت أعوذ مع تبت وقام يلد في فرثه=يدور للسلامة والسلامة روحت ضاري
بعد ربي رمى به في يدي لارحم أبو حرثه=بذوقه الذحاح ولا حسبت حساب غداري
يا راع أربع قرب مرويةٍ(ن)من مارد الرمثه=ولا غيره على حمل القرب للورد صباري
مربع بالثمام ولا نبت في مربعه شثه=من النعمة نسي حالته في مسراح وعصاري
أشوفه قام يقرب للخيار وعايف القثه=لكني ناوي أدق له وسط الكبد مسماري
بعيده عنك ما كل ماتمنى تقدر ترثه=لكن إصبر مثل صبرك من أول كر ياكاري
أنا حالف وكفارة يمين الحالف لحنثه=يذكي خافي الأسمين دامه بالبلد عاري
حلفت إني لغزه لين كلٍ يسمع بلهثه=وأشب النار فوقه بالغصيبة ضير وإجباري
بريح طيبين الجاه من خبثه ومن خنثه=وهذا حظه المقرود جابه والقدر جاري
ليا شاء الله لأريح خلق ربي من بلا شرثه=يتوب ويعتبر غيره وأنا بأفعالي أماري
ليا مني مشيت أدوس راس الداب والشبثه=يموت اللي يموت ومن نجا يدخل بالأجحاري
شوامخنا صعيبة مابها طينة ولا كثه=مرابي للكواسر والجوارج موجز إخباري
غصون عتيبة الهيلا ترى ماهي كما الرمثه=وهذي سالفة مسراي في ليلي ومسياري
أنا البارح سرابي هاجسي وأفكاري تحثه=وزرت لمنتدى ربعي عتيبة بالهجد ساري