أسعدكم الله
ما حدث لسفارة مملكتنا الغالية بمصر من تطاول
لا شك إنه يؤثر بالنفوس من شعب نعده أقرب الشعوب العربية الينا
أمر مشين حقا أن يعلنون لنا هالكره الدفين ونحن من يؤازرهم بكل الأحوال
قد يكون الأمر فعلا مدبرا بغية التفرقة ولكن على قول المثل
ما فيه دخان من غير نار
فلولا وجود بذرة الكره عند البعض حتى وإن كانوا قلة
إلا أنه موجود
عموما هذه أبيات أطرحها كعناوين عريضة دون الدخول بتفاصيل الأمر
والكتاب معروف من عنوانه
قالت: الأمثال والعُقال تعجبها المثايل=كف ما تقدر علاها مالها غير المصافح
الشواهد بينه للعين من قول وفعايل=ما حصل في مصر ثوره هددت بعض المصالح
شعب ثاير ما يحسب لا جميل ولا جمايل=من سنة والناس بالتحرير جاي لهم صوايح
من عبطهم مثل ماقالوا مسوين الهوايل=دمهم على بعضهم له سنه يغي وفايح
لين وصلوا للسعودية وذموا للحمايل=ما دروا إن السعودية جديرة بالمدايح
لطخوا سور السفارة بأبشع رسوم ورسايل=من يحط يديه في فم الأسد؟ بالعون رايح!
ياجاهيرٍ(ن)بلا ذمة ولا فكر ودلايل=ما كسبتوا بالصياح إلا مهونات وقبايح
خلوا العزة لأهلها والأصيلة للأصايل=الشيوخ اللي كساويهم نقيات المشالح
فعلهم في كل حلٍ(ن)غير عن كل العمايل=ما يمدون اليدين لكل مر وكل مالح
في دقائق هز مصر الشيخ كساب الطوايل=خادم البيتين كلمه منه تعدل كل راجح
ما دخل باب الجدال ولا تسمع قول قايل=قفل البعثه وخلا الشين بالتحرير طايح
فعلةٍ(ن)فيها جواب لكل محتارٍ(ن)وسايل=غيرت مجرى التمادي والعقل كاسب ورابح
عشت ياصقر العروبة يامروق كل عايل=عشت درعٍ(ن)للكرامة فالحٍ(ن)من صلب فالح
حكمتك هزت كراسي قبل تحتاج البدايل=من تفرعن ما كسب غير الندم من فعل فاضح
قالت: الأمثال والعُقال تعجبها المثايل=كف ما تقدر علاها مالها غير المصافح