الليلة جو المنتدى شاعري
اليكم ما جادت به الليلة
ليت المسافة بيننا مدة ذراع=وأمد كفي لين يلمس لكفك
ولو المسافة بيننا خطوة كراع=خطيتها من شأن لهفي ولهفك
يرجع علي العقل من عقب ما ضاع=لا عانقت عيني لنظرات طرفك
ترتاح نفسي من معاناة الأوجاع=واسكن بعيني رمش عيني يلفك
ياللي هواها سمني بكل الأوضاع=والحلم في نومي يجيني يزفك
ياما سهرت ليال شاكي وملتاع=أون وأطيافك عليًه تدفك
ودي بقربك والبخت صار مناع=حال القدر مابين شفي وشفك
هذي سنين تمر من غير مرجاع=والقلب ينزف والمشاعر تعفك
مدري متى برتاح ياحلو الأطباع=وأهنا بقربك والهوى يستخفك
يرتاح قلبٍ(ن)سبب لراسي صداع=من حبك اللي كل نبضة تعرفك
إنك غرام الروح والفكر مطواع=تأمر عليه وكل فكرة تغرفك
يابحر شوقي كل صيفٍ(ن)ومرباع=يامنتهى حلمي فدا الروح ظٌرفك
ليت المسافة بيننا مدة ذراع=وأمد كفي لين يلمس لكفك