واقعك واوهامك
____________

يالليل ياحاجب الرؤيا بدلهامك
يفضحك نور الصبح يالليل ياداجي
وعن عين من عايش لواقعك واوهامك
يذهب ظلامك من الصبح ينباجي
ويبان سلمك لرؤيا العين واجرامك
وليا انفضح واقعك ما عاد يحتاجي
وياباقي الوقت بسنينك مع ايامك
ياما وياما تسبب لي بالاحراجي
تدوسني يازمان الغلب بااقدامك
أعاني الظلم وأمل منك الأفراجي
واخاطب النفس ليه أدنات ماظامك
وانا اعرف ان العنى زافات وأفواجي
وياجدول الضرب ألا ياكثرها ارقامك
البعض فردي وبعض ارقامك ازواجي
ويانفسي الموت في عزتك واكرامك
اخير من عيشة رجوى ورا راجي
وياشاكي الوقت عل يلام من لامك
مايحس باللي عطش من يرد هداجي
وياكاتب الصحف باكر جفت اقلامك
وتعيش عزلتك لامناجى ولامناجي
الفوز ماهو بمشيك ودرهامك
لمهندس الصوت والماهر بالأخراجي