ملخص الطاروق بيني و بين عثمان الثبيتي :
بندر غزاي المقاطي :
يَ ريس اللجنة وصلك الدور و العالم تشوف /:/ مَ عاد فيه يشد لك و أنته تقطع له لحم ..
يَ أما بَ حكمً يرضي العاقل قبل يرض الضعوف /:/ و لا تا تونس يَ البناخي ضربها وسط العظم ..
عثمان الثبيتي :
لاما تسلم و أنت رجالً مقدر و معروف /:/ لكن بدل حبة خشم تبشر لك بَ فركة خشم ..
وش تدعيبه و أنت في نعمة و لا حافك ظروف /:/ لكن لا تخطي على زملائك يطردك الحكم ..
بندر غزاي المقاطي :
الحرب يَ عثمان مَ فيها سلامً بَ الكفوف /:/ مناطح بَ الوجه و الفارس مَ يهرب بَ القدم ..
تقول في وسط البلد بَ حل مشكلة الوقوف /:/ و عقب استلمت المنصب المرموق غيرت العشم ..
عثمان الثبيتي :
يَ راعي السكين لا تنصى مخضبة السيوف /:/ من يعرض رقبته لَ حد السيف و الله مَ سلم ..
مَ يقنع الطماع لو يقلط على فطحة خروف /:/ تدهن يمينه بَ الشحم و يقول مَ جاني شحم ..
بندر غزاي المقاطي :
يَ راعي السيف المخضب لا تغيرك الشغوف /:/ مَ ينفعك لا قابل البلجيك و انسد النسم ..
مَ تدهن يمين الرجال إلا من دهون النصوف /:/ و الثانيه تفرق عن الأولى لا يخلفك الغشم ..
عثمان الثبيتي :
إذا عفينا فيك سوينا جميلة و معروف /:/ لحيتك من تحت الشنب و أنته تلد و تبتسم ..
أنته تفكر بَ الشحم و إلا تفكر بَ السفوف /:/ و إلا سوات اللي مثل مَ قيل مصاصة عجم ..
بندر غزاي المقاطي :
هذاك طبعك يَ الثبيتي كان سافرت الهفوف /:/ حسب كلام العبد أبن مرزوق في يوم الحسم ..
اللي طرا لك يَ الثبيتي مَ طرا وسط الصفوف /:/ و الناس تجهل مَ طرا و أنته عليهم محتزم ..
عثمان الثبيتي :
علمتك بَ علم الحقيقة و أنت رجال مخطوف /:/ تترك علوم الشيخ و تصدق لَ رعيان الغنم ..
عز الله إني مَ بغيت أحذفك و أثرك محذوف /:/ و أنا من أول رافعك و مجلسك فوق الهرم ..
بندر غزاي المقاطي :
أخبرك من حول السنام و عدت من يم الردوف /:/ وش لون تبغاني أصدق كلمتك من دون ذم ..
هذاك مجلاسك نهار العام أنته و الهنوف /:/ و أبو طبيعه يَ البناخي يرتضي بَ أيت قسم ..
تقديري لك من مر من هنا سواء علق أم لم يعلق ..