وجدت قصيدة للشاعر عثمان الثبيتي
بعنوان ياسعيد العبد لا تشره عليه عللا الرابط التالي
http://www.alqwafel.com/vb/showthread.php?t=19022
اجاد في سبكها وحبكها واختيار قافيتها
توقعت سعيد يبادر بالرد لأنه وعد بذلك
وننتظر رده او مجاراته
لكن عاد اسمحوا لي بالسبق في محاكاة قصيدته
إيه يا عثمان والنيه مطيه=الهوى مابه شماته وانتقاصي
الهوى لقلوبنا أكبر بليه=يطعن العاشق مثل طعن الخواصي
لا تسمع في سعيد ولا الف زيه=ما يفيدك لا قريب ولا قواصي
دام عاشق يابدوي عين بدويه=يشهد الله عشقها ماله محاصي
خصم قاضي لن تولى للقضيه=أول أحكامه بلا رحمه قصاصي
كم ذبح من شيخ لو عنده حميه=لا رقص بالقلب ما يهدا الرقاصي
لين يورد صاحبه حوض الرزيه=لو تعزوى يغفصه عنوة غفاصي
ذا جزا من يتبع العين الشقيه=العيون اللي تكثر للبصاصي
كلنا عثمان بالميته سويه=الدجيما وأنت عشاق القناصي
إيه يا عثمان والنيه مطيه=الهوى مابه شماته وانتقاصي