أسعدكم الله
بين الجد والهزل والواقع والخيال
تتأرجح قوافي الشعر وهكذا حال الشعر والشعراء يقولون مالا يفعلون
اليكم هذه الأبيات وتراني نسجتها على عجل من أمري
بغية اضفاء جو المرح والطرفة على الشعر لا أكثر
الموتر اللي لوحته مصدارها دولة قطر=مر وتعداني وانا ما كنت طارح له نظر
لين أشر اللي خلف سواقه مثل نور القمر=رفع لكفه بالسلام وقلت له مني سلام
شغل فلاش الجنب الأيمن قام ياخذ لليمين=تابعت سيره لين جنب ثم وقف زين زين
أقبل علي دريول الموتر وقال مسافرين=وين الطريق اللي يودينا على البيت الحرام
قلت:العزيمة والتحية والحرم ماهو بعيد=لا من تريحتوا من الطرقة يوصلكم سعيد
هذي مهمة كل عبد لكل عم وكل سيد=قال:إنتظر بالله شويه لين أشاور للمدام
قلت:أنت منهو قال:أنا سائق وهذي عمتي=مقدر أخالف لأمرها في ذمتي في ذمتي
قلت:أنت شوف ورد علم ولا تجيب مطمتي=نبي نزهب للعشا ونخلصه بدري قوام
ترى سعيد يعرف يطبخ طبخ مابعده طبيخ=هذا إختصاصه طول عمره بالطبيخ وبالنفيخ
ماتعرفونه عبد لكنه على غيره مشيخ=ياكل قعود ليا برك ما يترك الا للعظام
رجع وجات تمايل الناعم وتقصر بالخطا=تشبه لمشي البط مدري تشبه لمشي القطا
مدت يمينٍ(ن)ناعمة ويسارها شال الغطا=قالت:سلام وقلت مرحب يابدر ليل التمام
قالت:عزيمتك وصلت زين عشانا زينه=قلت:العشا مابه كلافة والمطالب هينه
تلقين حشمة عندنا تلقين فرشه لينه=قالت:وفا ياأهل الوفا وأهل المكارم ياكرام
قالت:بعد عندي طلب راع الكرم مايقول لا=قلت:أبشري باللي تبي يرخص لك مهما غلا
قالت:سعيد يكون عبدي قلت:يفدا ذا الحلا=لو كان تبغينه حليل العبد طانيه الهيام
قالت:بكم تبيع عبدك قلت:يفداكِ(ي)بلاش=حنا ليا منا وهبنا ما ندور للقشاش
لكن لا أوصيك فوقه لا تخلي به عراش=شهرين يابنت النشاما حرمي عنه المنام
ياسعيد زهب للعشا بعطيك ملهوف الحشا=رزقك وجالك من قطر لونه وكله ينعشا
ماشفت مثله ياسعيد العبد خرعوبٍ(ن)مشا=مافيه عيب يعيبه والإسم ياعبيدي مرام
جالك نصيبك ياسعيد ولا بعد هذا نصيب=عوضك ربي بالسواد وجاب لك مثل الحليب
البيذجانه إنتهت لكن خلك ذيب ذيب=سبحان من يجمع لنور البدر مع حالك ظلام