أسعدكم الله جميعا
اليكم تخاريف هذا المساء
علها تروق لكم
غردي يا مشاعر بين عوج الضلوع=أرقصي في بساتين الهوى وأقطفي!!!
من ثمار الفؤاد اليانعة كل نوع=كم سقتها حلومي قبل لا تتلفي!!!
بعد غابت عن الساحة طفيت الشموع=مير جمر الهوى بالقلب ما ينطفي!!!
شب فيني هواها نار صالي يروع=أحرق الدم وعظامي غدت ترجفي!!!
حسبي الله على خلٍ(ن)عنيدٍ(ن)قطوع=غيبته طولت عن ناظري مختفي!!!
لا بعث لي سلام ولا ذكر لي رجوع=ليه مدري علامه يا بشر ما أعرفي!!!
ما بقالي بعَدكي يالغزال النزوع=غير شوقٍ(ن)بقلبي بالسهر مسرفي!!!
ما تنام العيون ولا تكف الدموع=هامل العين ياعيني سرى يذرفي!!!
يادموع العيون الحب ناره تلوع=اروي الخد من نهر القهر واغرفي!!!
عدة أعوام وأنا ما تحمل سبوع=عن غيابه لكنه صلف ما ينصفي!!!
ياالمنوع الكريم ويالكريم المنوع=طمن القلب قبل الدم لا ينشفي!!!
صرت بعدك جزوع وكنت ماني جزوع=غيبتك ياغرامي زودت لصلفي!!!
هب يا حب غير لي كثير الطبوع=طير النوم والأفكار بي تدهفي!!!
أشغل القلب عن دين وعيال وربوع=وأحرم العين ساعة بالفراش تغفي!!!
أصبح الصبح وأنا متكي فوق كوع=والمشاعر على بحر الفكر تنزفي!!!
غردي يا مشاعر بين عوج الضلوع=أرقصي في بساتين الهوى وأقطفي!!!