الطفل تلهوته لن صاح بالمصاصه=والغشيم اللي يحسب القنبلة بطيخه
من تعرض للرمي يمكن تجيه رصاصه=والعطور الفاخرة ما تشبه الزرنيخه
المحاوص مايفيد لعالمٍ(ن)حواصه=ومن تعرض للكفوف فيادته تطخيخه
احسب حساب الكلام مقارص القراصه=مثل سم الداب ياللي تعشق الطنيخه
الأثر بالدرب يعرف للأثر قصاصه=ومن تجنب للدنايا يسلم التلطيخه
ياقنوص الصيد كلٍ(ن)عارف لمقناصه=والصدوق يبان صدقه والكذب تلبيخه
يالحرار اللي طليقة حاذري قفاصه=لا تطبي في شركهم ثم تغدي طيخه
الدجاج اللي عياله داخل الفقاصه=لا يغرك مظهره وإلا عدد تفريخه
مثل ما قال الصعيدي بالدرق بصاصه=والغلط صاحبه ما يسلم من التوبيخه
والمصيبة من يمجد طبله ورقاصه=مابقا ماهو يعيبه ذيخ رافق ذيخه
فكروا باللي كتبته تخرص الخراصه=هو صحيح العلم وإلا بالأمر تفخيخه
والحذر ثم الحذر من خوصة الخواصه=ناس ماتدري عن السمنة من التنفيخه