أسعدكم الله دنبا وأخرة
يقول المثل:القرش الأبيض ينفع باليوم الأسود
هذا المثل يلعلمنا الإدخار ولكننا لا نعمل به كما ينبغي
لو سألنا أي واحد منا كم اودعت حسابك بالبنك اليوم
سنجد تفاوت بالإجابة
من يقول: مفلس ومن يقول سحبت ومن يقول أودعت وهكذا
ولكن بالواقع نحن جميعا كل يوم نودع بحساباتنا مبالغ هائلة دون أن نعلم
ببنك الإدخار لليوم الأسود
ولكن هذا الادخار يالك او عليك
الأبيات ترمز لذلك أترككم مع الأبيات
ياسجلات الشقا كم بلغ فيك الرصيد=علميني كم نصيبي سجلات الشقا
علميني بالرصيد اللي مقيد ما يفيد=كم صرفت من الموارد وكم فيكِ بقا
ثم أضيفي بالسجل جرح حصلته جديد=أخذه عربون والباقي ليا حان اللقا
المكاسب من عنا الأيام بحسابي تزيد=ماخسرت من المواجيع والحظ أمحقا
الجديد من المآسي للقديمه يستعيد=يا خفوقي كلها في ناظري ما تفرقا
يوم ما تشعر مراره لا تعده يوم عيد=أكنز هموم الزمن لين كلك تُحرقا
لا تفرق يافؤادي بين سجن وبين قيد=كلها من بعضها ياهلا دام البقا
يافؤادي ذا الزمن ما بقا قلبٍ(ن)سعيد=كل حيٍ(ن)في زمانه لقا به ما لقا
الليالي باسها فوقنا دايم شديد=النصيب يصيب والحظ حبل مطوقا
بالنهاية نحمل الموت في حبل الوريد=والسعادة حظ من طاع ربه وإتقا
يوم لا تنفع تجارة ولا مال وعبيد=كم واحد ضيع النفس لكن ما هقا
ياسجلات الشقا كم بلغ فيك الرصيد=علميني كم نصيبي سجلات الشقا