يالي غيابك مايشابه حضورك = يوم البعض يشبه حضوره غيابه
اذا حضرتي غطى ذا الكون نورك = مثل البدر نص الشهر في شبابه
اذهلتي العالم بزاهي غرورك = فيك الدلع فيك السنع والمهابه
يااجمل ملاك وطيف عشقي يزورك = ويقول خلك لاتزود عذابه
ان كان شعري مايحرك شعورك = ابعتزل نظم الشعر والكتابه
وان كان شعري له سبب في سرورك = بانقش حروف الشعر فوق السحابه
ياصفحة اشواقي بملي سطورك = عن حب غادة كلبوها ذرابه
يالي غيابك مايشابه حضورك = يوم البعض يشبه حضوره غيابه
سعيد العبد
بكتب شعوري يوم تكتب شعورك
مشاعر العشاق فيها غرابه
اللي تبيه ابكل ليله يزورك
اصبر بعد يومين تسمع جوابه
انا اعرفه والشاهد الله / مرورك
كل مالمحته رحت تطرد ركابه
تبيه في دنياك يرضي غرورك
حامض عليك اتشوف حتي ثيابه
بينك وبينه جمع يرقب سبورك
لاتحسبن اهل المواقف تشابه
جنب طريق الزين واصلح امورك
العبد بدينه مقص الرقابه
عمي خذاها ماتفيدك سطورك
واللي خذاه العم نحمي جنابه