ياسعيد كافي ماكشفنا قدورك = مانته بقد هذيل والا عتابه
خل الخطاء واحذر تزود شرورك = لا تعترض قدام درب الذيابه
ابقى بدارك وانجحر في جحورك = والذيب حطك بين ضرسه ونابه
دور البطوله مايجي يوم دورك = دورك مثل كمبارس ضحك غلابه
انت الذي بايديك تحفر قبورك = مالك ومال ادروب فيها النشابه
لاشفتني حاضر تنادي ثبورك = ياويل ويلك دام فيها مجابه
خل اللقافه وانشغل في امورك = والعاقل الي دوم يحسب حسابه