ياموتري قدام والدرب قدام=
لو كان شف القلب خليته خلاف=
أخذت لي في قربهم عدة أيام=
ومشيت وأنا خاطري منه ما عاف=
هذي تصاريف الليالي والأيام=
وماهو كِتب للعبد لا بد ينشاف=
دنيا تجيب أقدام وتبعد أقدام=
الظلم فيها غالبٍ(ن)عدل وإنصاف=
متعكرٍ(ن)بأسبابها وردي أحلام=
والقلب من جور الزمن صابه إتلاف=
نَشًّفت من نزف الهواجيس الأقلام=
تعب قصيدي وإشتكى كل محراف=
هذا السنة والعام واللي قبل عام=
حطمت في بحر الشعر كل مجداف=
حارت قواميس المعاني بالأوهام=
عجزت تلاقي يا معاناتي أوصاف=
متمرجحة ما بين الإحجام وإقدام=
والقلب من عصف المواجيع منلاف=
من وقتي اللي طول رقاب الأقزام=
وأدنى لكاره وأبعد لحي ميلاف=
اختل ميزان التوازن والأحجام=
والفكر تلعب به هواجيس وأطياف=
تقطعت صلات ما بين الأرحام=
وتوصلت صلات مابين الأحلاف=
ناش الخلل بالوقت لأركان الإسلام=
ولسان يعرب مختلط باي مع لاف=
لبس الفتاة يشابه لسكبة غلام=
تقاربوا بالحال نوفه ونياف=
صار الفتى لا بس سلاسيل وزمام=
ينفخ لصدره ويتباهى بالأرداف=
اللبس فاضح ما يعرفون الأكمام=
البطن عاري والرجل لبسها هاف=
بعض البشر يشبه لقطعان الأغنام=
ومن ضعف دينه من تصرفه ما خاف=
وقتٍ(ن)غريب محير عقول وحشام=
بعض المواقف شوفها صعب ينطاف=
في عالمٍ(ن)ضيع قوانين وأحكام=
في كل حالٍ(ن)حدهم فيه الإسراف=
وين الغيارى من مشايخ وحكام=
وين الرجال اللي يسمون عراف=
وشلون ما بنضام يا قلب بنضام=
ومشكاي لله منزل النون والكاف=