أسعدكم الله بكل ومان ومكان
اليكم هذا المساء قصاصة أخرى من قصاصات الجولة في ربوع بلادي
علها تروق لكم
القلب ينبض شوق وعيوني ترف=مشتاقه لشوفة حبيبي ونوره
شوفته عندي غالية ناعس الطرف=والروح تطلب دوم عندي حضوره
بعد غياب سنين يا قاري الكف=عودت له والقلب فايض شعوره
يا فرحتي حليت بضيافة الترف=استنشقي يا انفاس صدري عطوره
هذا حبيب الروح والشوق والولف=يكمل سروري حين أشاهد سروره
هو غايتي بالعمر والحلم والشف=ترتاح نفسي من شذاه وبخوره
في ذمتي لولا مخافة يجي ظرف=لعاهده في كل عامٍ(ن)لزوره
أجيه لو أزحف على أربعي زحف=الله يكفيه الزمان وشروره
يسوى من التلعات عندي مية الف=شكله وطبعه والدلال وحبوره
هواه جوف القلب لهفٍ(ن)على لهف=يكبر غرامه ويتزايد حروره
والقلب ينبض شوق وعيوني ترف=مشتاقه لشوفة حبيبي ونوره