كل السبايب جات من حبة الخال = اللي وأنا يومياً أهديه بوسه
كل مانزع عن صدره الستر والشال = القلب هاض وصار فالقلب حوسه
من حسن خلي صار مضرب للأمثال = ومن عذب غيده شَفَّتَه لي لبوسه
ياللي على قلبي من الجال للجال = أنا أشهد إنك فالحلايا عروسه
شاعرك غنى بك معاني وموال = لجلك تسابق كل حرف وهجوسه
أنتي عسل في مبسمك سحية البال = ياحور يارعبوب ياعيطموسه
كل السبايب جات من حبة الخال = اللي وأنا يومياً أهديه بوسه