أسعدكم الله بكل مكان وزمان
اليكم أبيات صباحية كيبوردية علها تروق لكم
والمعذرة من القصور والتقصير
يا روح روحي يابعد ناسي=نار الهوى بالصدر مشبوبه
أحس حرقتها بالأنفاسي=مشاعري بالحب مسلويه
كن الفكر يقلاه حماسي=والنفس من فرقاك معطوبه
فكري بدونك دوم محتاسي=ماني بعارف وجهة دروبه
ما كني إلا بيّ وسواسي=نفسي على دنياي مغصوبه
كل ما عداك بدنيتي ناسي=النفس مرهونة ومغلوبه
من حبك اللي ماله قياسي=ما نالته بالبيض رعبوبه
أهواك كلي دم وإحساسي=كلك بكلي عشق مسكوبه
يا أغلى من الغالين والماسي=دايم لنبض القلب مطلوبه
أنتي غرامي تاج للراسي=كنك على الخفاق مصلوبه
دنياي قبلك كانت إفلاسي=ما كنها بالعمر محسوبه
مهما شعرت بلذة أوناسي=ما كل لحظة عمر محبوبه
يا وقتي اللين مع القاسي=توبة بعد هذا العنا توبه
بعلن على كل الملا يأسي=من قهوةٍ(ن)ماهي بمشروبه
مليت منها من زمن كأسي=لكنها بالحظ منكوبه
يا روح روحي يابعد ناسي=نار الهوى بالصدر مشبوبه