اسعد الله اوقاتنا واوقاتكم بخير ومسرات
كما تعلمون بأن بعض حكام الدول ياخذون ضريبه على شعبهم المدارس بفلوس التجارة بفلوس الحماية بفلوس الــخ
ونحن ولله الحمد كل شي متيسر لنا وببلاش لذالك نقول الله يعز حكامنا ال سعود
وان يجعلهم ذخر للامتين الاسلامية والعربية
يالله يـالـلــي بــامـــرك الـكــايــن يــكـــون=يــاعــالـــمٍٍ تــعــلـــم بـــكــــل الــخــفــايــا
يامهـلـك ابـمـوج الـبـحـر قـــوم فـرعــون=يـامـشــبــع ابجودك بـــطــــونٍٍ خـــلايــــا
يامـنـزلٍ حكـمـك مابـيـن كـــافٍ ونـــون=يـالـلــي لـوجـهــك كــــل آبــونــا حـنــايــا
تحمـى وطـنـا مــن عـبـث كــل ملـعـون=تـحـمـاه مـــن كـيــد الـضـعـوف الــردايــا
وتـعــز حـكــامٍٍ عـلــى الـوعــد يـوفــون=آل الــســعـــود الـشـامـخــيــن الــدهــايـــا
حكامـنـا الـلـي مـــن كـتـابـك يحـكـمـون=تـحــكــم بـحـكـمــك يـاجــزيــل الـعـطــايــا
الـلــي عــلــى ســنــة نـبـيــك يـسـيــرون=وتـدعــم ديـنــك مــــن جـمـيــع الـنـحـايـا
ومن بعدها ياهل الحكي وش تقولون=وش قــولــكـــم يـامــروجــيــن الــــروايــــا
الحكـم ثابـت والرضـاء شـي مضـمـون=راضــيـــن بــحــكــامٍٍ تـــقـــود الــســرايــا
والامـــن سـايــد والـنـعـم بـكــل مــاعــون=مــــن فــضــل ربـــــي مـاعـلـيـنـا جــزايـــا
ماهـم مــن الـلـي كــل سـاعـه يطـقـون=بــابــك لاجــــل تــدفــع رســــوم وهــدايـــا
ومــدارسٍ تبـنـى لاجـــل مـــن يـريــدون=الــعــلــم والـتـعـلـيــم بــشــتـــى الــمــزايـــا
ثــقــافـــةٍ تــنــشـــر عـــلــــى مـاتــمــنــون=تنشـر مـع اهـل المـدن واهــل المطـايـا
وظـايــفٍ تـفـتــح لاجــــل كــــل دنــــدون=يـحـمــي ديــــاره مــــن خــبــاث الـنــوايــا
ويعـيـش فـــي عـــزه ولايـطـلـب الـعــون=الا مـــــــــــن الـــــعــــــلام رب الــــبــــرايــــا
ومــشــو رواتــــب لــلــذي حـالـهــم دون=أهــــل الـيــديــن الـقــاصــرات الـفـضـايــا
حـكـامــنــا حـــكـــام يــالــلــي تـــوحــــون=كــافــيــنــا شــــــــر الــفـــتـــن والـــبـــلايـــا
يعيـش ابـو متعـب عمـى كـل مجـنـون=الـحــاكــم الــعـــادل حــمــيــد الـسـجــايــا
وسلمان سلمان الوفاء سيف مسنون=حـــنـــا لـعـيــنــه كــــــل آبـــونـــا فـــدايــــا
والله مـانــجــزع لـــيـــا جــــــوك لافــــــون=ان حـــــل بــطـــراف الـمـسـاكــن دوايـــــا
نـــذود دون الممـلـكـه بـكــل مـشـحــون=حـتــى يـعــود مــــن هــقــى لــــه هـقـايــا
يـعــود عـايــف بـــارد الــوجــه مـغـبــون=ويــــذم حــظــه عــقــب هــــاك الـسـوايــا
وحـنـا عـلــى عـهــد القديـمـيـن بـاقــون=نـبـقـى عـلــى عـهــد الـعـصـاه الـدهـايــا
يقولـهـا الـلـي مـاهـوى عيـشـة الـهـون=نـــســـل الـــرجـــال مـتـعـبـيــن الـسـبــايــا
تـمــت وصــلــو عــــد مـاهـلــت مــــزون=وعـــــداد مـانــاضــت بــــــروق الــرفــايــا
عـلــى نــبــيٍٍ فـضـلــه عــالــم الــكــون=وعـصــم نـفـسـه عـــن دروب الخـطـايـا
11\12\1434هــ