إحصائية العضو
عذب القصيد اهيم في دنيا الوله واذوب في بحر الغرام = ولاجل عيون الغاليه اعبر بعذب القصيد ومن كثر ماانا احبها اختار من حلو الكلام = واحاول ارضي ذوقها باسلوب جذاب وجديد وهي تبادلني الشعور واشوف منها الاهتمام = تحبني واحبها والحب ماينقص يزيد والحب لايمكن يدوم دون العطا والاحترام = والي فقدها كلها يشبه لشيك بلا رصيد اما انا والي هويت ارواحنا فيها انسجام = قلبي يردد اسمها ويلحنه باحلى نشيد وكلي فدى لعيونها وفي حبها مااسمع ملام = ومهما حكوا عذالنا عن حبها مااقدر احيد اشتاق دوم لشوفها والقلب ذابحه الهيام = وفي غيابها ذقت العنى وبحضورها اصبح سعيد اهيم في دنيا الوله واذوب في بحر الغرام = ولاجل عيون الغاليه اعبر بعذب القصيد