مساكم معزوفة حنين وأنين
الأبيات
شاب القصيد وشيب الشعر شاعره=ضيق لصدري عقب ذيك السماحه
همي كبير وطول ليلي مساهره=ماعاد بعرف منه طعمٍ(ن)لراحه
عدة سنين الحب قلبي يشاطره=حب الوليف اللي هواه استباحه
ملك لدقاته ومالك مشاعره=ماهو بتارك فيه داني مساحه
شوق وغرام ولهف عيت تغادره=سهر قهر فيها شقا مع ملاحه
وليا ذكرت لبعد مضنون فاكره=زادت مواجيعه وزادت جراحه
أون وضلوعي لقلبي تحاصره=ون الضعيف اللي شكى من فداحه
مظلوم ما يلقا عوينٍ(ن)يناصره=ما حيلته غير العوى والمناحه
الدمع يكشف ما يكنّه بخاطره=سود الليالي سودت له فراحه
أبطى عليه وصال مضنون ناطره=دونه مسافات تعيق النصاحه
عوين وقتٍ(ن)مجتهد في مخاطره=لو زان ما يترك لطبع الوقاحه
رسم نهايات الأمل في دفاتره=ماهو مجاملنا وهذي صراحه
همه فراق لشملنا لو نحاذره=كل الليالي تنتهي بالقباحه
ماهو بدايم لو نزين منابره=سواسيه أبكم وصاحب فصاحه
شاب القصيد وشيب الشعر شاعره=ضيق لصدري عقب ذيك السماحه