أسعدكم الله
الأبيات بدون مقدمات
الشوق غرد بصدري طيره الشادي...=من لهفةٍ(ن)بالحشا يازين غرد لك...
يا ريحة الورد مخلوطٍ(ن)مع الكادي...=في ذمتي ما جذبني ريحةٍ(ن)مثلك...
ليتك تكرم على المجرح بضمادي...=يوقف لنزفه قبل من وجعته يهلك...
دواه حصري معك يا غاية مرادي...=أنا أملك الجرح وأنته للدوا تملك...
جرح الهوى لا تمكن ماهو بعادي...=مايبري لعلته إلا كرم وصلك...
لا تعتذر بالظروف وتنحر فؤادي...=الوصل لا من بغيته تلتقي مسلك...
أنخاك وأستصرخك وأصيح وأنادي...=الليل مظلم وظلمة لهفتي أحلك...
عجل عليه قبل لغدي مع الغادي...=والله يعوض على أهلى والبقا بأهلك...
قدام لترك شرابي وأترك الزادي...=وأصوم عن باقي اللذات من فعلك...
بهجر لنومي وأرافق حرقة سهادي...=بساهر الليل كله يالغلا لأجلك...
دام الهوى غرد بصدري له الشادي...=الشعر بالفكر غردي لي وغرد لك...