أسعدكم الله في كل مدينة أحل بها أهديكم منها قصيدة
من دوحة قطر هذه الأبيات
11/4/1435 هـ
وجهة الشعر والشاعر لدوحة قطر=المشاعر تسابق صوب ذيك الديار
دار ناسٍ(ن)لهم بالقلب حب وقدر=من قديم السنين وزاد هذا النهار
يا سلامي عليكم يا طوال العمر=بعد غيبة طويله جئت جية وقار
جئت أزور الصحيب اللي شبيه البدر=مختلف في طبوعه عن جميع الحرار
ما حدتني مسافات البعد والسفر=شاعرٍ(ن)والقصائد متخذها شعار
القوافي تقافا مثل نبع النهر=فيك ياللي وصوفك فارقة بإقتدار
نادراتٍ(ن)وصوفك بين كل البشر=مأخذ الزين كله عن نواعس نزار
عود شامخ وطيب وجود مثل البحر=ما تمد بيمين وترتجع باليسار
غيث جودك على الشاعر شبيه المطر=القصائد تزاحم في مديح الكبار
ما تحججت بظروف الزمن للعذر=قلت:مرحب وأنا لبيت ما من خيار
سجلي يا قصائد وأنشري للخبر=الخلي والكريم من الخلايق يزار
وجهة الشعر والشاعر لدوحة قطر=المشاعر تسابق صوب ذيك الديار