أسعدكم الله أينما كنتم
الأبيات بدون مقدمات
علها تروق لكم
ياصاحبي يا مختلف بالعوايد=سيرة هوانا يا هوى الروح سيره
أطيافك لفكري سواة الطرايد=يكفخ وراها مير فيهن ذيره
احرم لراسي ناعمات الوسايد=واحرم لعيني قيلةٍ(ن)بالظهيره
كل ما تعب جاني من الضيم عايد=ما عاد له قدرة ولا لي بصيره
ترجمت لك احساس قلبي قصايد=شوق وعتاب وجرح واحساس غيره
شكوى هجر صدود غير البعايد=اللي كوتني مثل كي الجميره
ورغم المواجع والقهر والشدايد=تبقى حبيبي والمعزة كبيره
مهما يكون الحظ والبعد كايد=ما والله أبدل غرامك بغيره
تجرح تداوي يافريد الفرايد=تسوي بعيني كل ناس الجزيره
دامك سكنت القلب لو كنت نايد=أقرب لروحي من سمو العشيره
نظمت لك من قاف شعري شرايد=تهتف لها العشاق في كل ديره
مشاعري والشعر جاتك مدايد=لأجلك معك حولك رهينة أسيره
لو ما كسبت من القصائد فوايد=إلا وجودك فيه فأنتي أميره
تزهى بك أشعاري زهو المجايد=يا نبض قلبي بالرخا والعسيره
كل يوم أحس الشوق والحب زايد=أيام حبك لو تمادت قصيره
ياصاحبي يا مختلف بالعوايد=سيرة هوانا يا هوى الروح سيره