طابت أوقاتكم
الأبيات لون المجالسي الحجازي
البارحة جنبي جفاه الفراشـي=متْكي على مركاي لين الغباشي
الليل كله ساهرٍ(ن)فوق ماشي=أطرد لطيفٍ(ن)صعب ما عاد يناش
طيفٍ(ن)يزور بكل ليله عيوني=كنه يسابق نومها للجفوني
أشاهده مابين رمشي ونوني=ما يختفي حتى بغمضات الإرماش
طيف الوليف اللي سكن بالخفوقي=هواه مع دمي يغذي عروقي
غاية مرادي مطلبي نبض شوقي=لولا غرامه خافق الروح ما عاش
الحسن كله جامعه يا حلاته=سبحان من صوره وأبدع صفاته
ساحر بمنطوقه رهيبٍ(ن)سكاته=مشاعري تهواه والفكر والجاش
قاهر بحسنه للبني الرعابيب=مالك بكله قلب هاويه بالطيب
صافي محلى ما مشى سكة العيب=نقي تقي ما خالط انذال وأوباش
هو جنتي لن كان بالبيض جنًه=يفداه كل العمر من غير منًه
غيثي بكل الوقت وسمي وكنًه=سحايبه وبال ما يمطر ارشاش
وإن حالت ظروف الزمن حل ياحيل=أسهر مع أطياف الغلا كامل الليل
أنظم قصائد فيه وأنطم مواويل=قصائدي بالولف ما تغدي بلاش
القى جزاها منه بالمقبلاتي=إن كان ربي مد لي في حياتي
نبي نعوض وقت قدام فاتي=ماني بلا خبلٍ(ن)ولاني ولد لاش
ما قلت شعري غير في قايدة بيض=روضت قاف الشعر للزين ترويض
بكل الفضول من الشتا لأخر القيض=رفيقتي في كل قامة ومطراش
متى يجمعنا جميل الفراشي=نسهر من المغرب لوقت الغباشي
حلو السهر معها ولا هو بماشي=اللي نبي يسهل قريب ويناش