يا عديل الروح ظني بحبك ما ارتخا=شامخٍ(ن)مثل الجبل ما يهزه صفق ريح
مير تكفى دامنا ننعم بعهد الرخا=مدني بالوصل لا تنتظر وقتٍ(ن)شحيح
كان تسمع صيحة اللي من الشوق انتخا=لا تعذر يا حبيبي ترى قولي صريح
الكريم اللي عطاياه للحب بصخا=ما يدور عذر للهجر لو هجره صحيح
والبخيل اللي عطاياه نبتة بسبخا=لو عليها الوبل همال ما تطرح طـريح
عقبها دامن حبك بقلبي طخطخا=بعشقك حتى يعود الى الدنيا المسـيح
ارس في قلبي كما السفن في شط المخا=موطنك قلبي تربع بعرشه واستريح
عهد مابيني وبينك محالٍ(ن)يفسخا=ناقشة في داخل الجوف بالقلب الجريح
الهوى اللي بيننا بالزمن ما يشرخا=ثابتٍ(ن)مثل الرواسي جديرٍ(ن)بالمديح
ما تغيره الليالي وعاذل لبخا=نكبر ويكبر غلانا ولا يمكن يطيح
يا عديل الروح ظني بحبك ما ارتخا=شامخٍ(ن)مثل الجبل ما يهزه صفق ريح