يوسف هلا يا قرة العين=يا قطعةٍ من قلب جدك
فرحت بك يا كامل الزين=يحفظك ربي ما يضدك
تكبر بعز وتحفظ الدين=رب الملا يأخذ بيدك
ما تتبع المنقود والشين=لأهل الردا ما تبيح سدك
تأقف بصف الحق ما تلين=يا شبل جدانك وعدك
على دروب اللي كريمين=تمشي وتسعد من يودك
يا شبلنا بالعسر واللين=في عين جدك ماش قدك
أنت الأمل تاج السلاطين=والله من أفضاله يمدك
أدعي لك الرحمن ذا لحين=إنه عن العالم يسدك
وأدعي لك الرحمن بعدين=يرفعك ربي ما يهدك
يوسف هلا يا قرة العين=يا قطعةٍ من قلب جدك