شعر ومشاعر
الله على الأيام تذبح للأحلام=
وانا ذبحني صد غرو ٍ شحيَّح=
ناديت له بالصوت يازهرة الشام=
لكن اشوفه ما يجيب المصيَّح=
اتعبت من شأنه عزيزات الأقدام=
كله على شأنه تقوم وتطيَّح=
ياما كتبنا لين جفن الاقلام=
ما جالنا من يمهم ما يريَّح=
أحبابنا كانوا على خير مايرام=
راحوا وأنا حالي بعدهم قبيَّح=
عهدي بهم يوم الغلا فأول العام=
واليوم صار الحال ماهو صحيَّح=
نرجع ورا ونقول ياعين قدام=
والدم في جوف الحشا بيتفيَّح=
واخر مطاف احلامنا تال الايام=
تدفن بجوف صدرنا ما تبيَّح=