ليل القصيد
يا ونيسي يا رفيــق الدرب يا أصدق خــوي
يا شعوري لا بغيت أحكي واعـبر من خلاله
منك يا بحر المشـاعر كل ما جيت أرتــوي
فيك يا للي محتويتي كل أحاسيس بخــياله
لا بغيت أسج واسرح تسمع لصمتي دوي
تنفجر كل الحروف بداخلي إعـلان حاله
ابتدأ لــيل القصيد اللي بقــلـبي محتـوي
و ثار بركان المشاعر يوم وجداني سر آله
يا قصيدي أنــثـر إبـداعك عساها تستوي
يمكن القــلب يتسلا من عناه وضيق بآله
ودي اسولف واعبر واتهيض وارتوي
وعادة القلب يتريح لا لقا انسان وحكا له
طاح حيلي من بعد ما كان انا حيلي قوي
وتعبت اقدام المسافر من دروبه وارتحاله
صارت هموم الليـالي تلوي ذراعي لوي
ومن سببها يا قصيدي شوف حالي وش جراله
صرت أحس بصوت فيني داخل ألراس يعوي
يزهم حروف القوافي ليتها تسمع سؤاله
ويا قصيدي ما بقا في دنيتي غيرك خوي
يفهم شعوري وأترجم كل هـرجي من خلاله
بشير الخولي