طابت أوقاتكم بالمسرات
جات قبل صعود عرفات

سـلموا لي على اللي مثل عيد النحر
مـايـجي غـيـر مــرة وحــدة بـالـسنه
إن حضر عيد وليا غاب ضاق الصدر
مــدري الـمـشكلة بـالـوقت وإلا مـنـه
كـيـف أســوي بـواحـد مـايقدم عـذر
ودي بــعـذر يـقـنعني وبـرضـى عـنـه
مـاهـقيت الـبشر فـيهم قـلوبٍ حـجر
مـيـر بـقـطع ظـنون الـشك والألـسنه
إن تــمـادى بـفـعله فـشـهدوا يـابـشر
والله إنـــي لأبــكـي فـوقـه الأمـكـنه
طـبعه الـلي قـهرني حـار فـيه الصبر
مــثـل مــاحـارت الأفــكـار بـالأزمـنه
ضاعت أحلام عمري مع ضياع العمر
بـين راجي وعايف بالحسن وأحسنه
يـالحون الـقوافي فـي جـنون الشعر
بــلــغـي لـلـرسـالـة دنــدنــة دنــدنــه
الـقـمر بـالـفلك يـسـعى لـيـا مـسـتقر
والــثـريـا لــنــوره مـمـكـنـة مـمـكـنه
مـير حـالت غـيوم الكون دون النظر
واسـتـحال الـتلاقي بـين هـن وهـنه

ⒿⒶⒷⒺⓇ