رد على قصيدة وردتني من أحد المتابعين

قال:
يــا صـاحـبي ونـيت بـالليل سـهران
قـلـبي مــن الـونات صـابه جـروحي
قـمـت أتـفـكر حـايـر الـفـكر زعــلان
والحبّ عذّب يا منى° القلـب روحي
الـفـكر ســارح والـبـلا قـلـب ولـهـان
يـخفق مـع الـونات مـن لوف نوحي
راحـت سـنين الـعمر صابر. وشقيان
الاوع الــونــات. حـلـمـي جـمـوحـي
يـاصاح لا تـشره عـلى حـال عشقان
لـيـله طـويل ومـن غـرامه يـنوحي.
ويـاقلب لاتـسأل عـن أشواق خلان.
مــدوا مـسـافات الـغـلا والـفـروحي

قلت:
الله يــريـح خـاطـرك كــان هـيـمان
تـرجـع كـمـا مـاكـنت غـرو مـزوحي
تـلـعب بـنـا لـعـب الـمـحبين بـجنان
وأشـوف لـعبك نـعمة من شحوحي
انــا بـشـر إنـسان يـلعب بـي إنـسان
يـطـعن فــؤادي بـالـغرام الـذبـوحي
يـالـيتني مـخلوق مـن عـالم الـجان
أجـيك وأشـوفك وتهرج وانا اوحي
وأعـرف مـكاني في فؤادك ياغزلان
يـاسـاكنة مـابـين صـمـتي وبـوحـي
فـي داخـلي سـكناك من عدة أزمان
تـهجر وتـقطع مـير طبعي سموحي
في داخلي من زهر الأشواق بستان
يــا مـبـتدأ حـلـمي وتـالي طـموحي
أنـا اشـهد إن الـــود لـلقلب سـلطان
والـشـعـر لـلـشـعار خـــلٍ فـضـوحي

â’؟ⒶⒷâ’؛Ⓡ