شهادة جامعية في الجفا والصد والهجران = ومـاجـسـتير نسيان وقطيعة كان مـاتـدري
دكتوراه في فـن التغلي تـالـي الأزمـان = وش اللي باقي مخبيه ياعمري في الـصـدري
ترى بعد التغلي والجفا والصد والنسيان = مـاباقي غـيـر تذبحني وتدفني فالقـبـري
باقي لك شهادة واحده يا قائد الـغـزلان = شـهادة اسـمها أستاذ دكتوراه يالقـمـري
ليا جبت الشهادة فعرفنك تايه وخـسـران = بتخـسر حـب من قلبي وتندم لأخر العـمـري
ألا ليت الشهادة الجامعية فألوفا يافلان = وماجـسـتير فـي حبي ودكتوراه فـي قـدري
شهاداتك يـاروحـي مالها مصدر ولا عنوان = عليك إنـك تـذوبـهـا وتشـربها ياعـمـري
إذا ودك تكون لخافقي روحـه وأعز إنسان = عليك إنك تـحـرقها وتخرجـهـا من النحري
ليا حـرقـت شهاداتك تفضل داخل الشريان = بتلقى قلب متماسك وماه أعذب من النهري