بعد ثالث ثلاثه حـل والوقـت ليـل =كل عين ٍ من العبـرة سقـت خدهـا
ارتعـش واتثبـت والعبايـر تسيـل =لقـدر اقـول ليـه ولقـدر أردهـا
واقفٍ وقفت المحتـار وقـتٍ طويـل =انظـر لواقعـي بالعيـن واصـدهـا
مقدر اهرب من الواقع على المستحيل =تقصر الرجل خطـوه قبـل لامدهـا
بين حزن الوداع وبين هـم الرحيـل =كـل لحظـه تمـر بهـم واعـدهـا
حسبي الله على الفرقا ونعم الوكيـل =هددتني وانا مجـروح مـن ضدهـا
اشهد الجدي في مبداه واشهد سهيل =قصتـي تبنـي الاهـرام واتهـدهـا
ماشفالي جـروح ولابردلـي غليـل =صادت الروح روح ٍ بيحـت سدهـا
كلما قلت شـده قلـت يمكـن تزيـل =وكـل ماقلـت راحـة قلـت لابدهـا
شرهت القلب عدل ونظرة العين ميل =اقنع النفس ميـر النفـس ماودهـا
المشاعر لها بيـن الحنايـا صهيـل =والخواطر تحـز النفـس واتحدهـا
اكتب الشعر من دمي ودمـي ثقيـل =كـل ماجيـت امـد القافيـه شدهـا
اقربي يالقوافي واشربـي سلسبيـل =من نهور ٍ يذوب الذوب مـع ندهـا
وذعني للحقيقه واشربـي حنظليـل =من بحور ٍ يساقـي جزرهـا مدهـا
مايشـح الكريـم ولايجـود البخيـل =كـل نفـس ٍطبيعتهـا علـى قدهـا
العنوان / كل نفس ٍ طبيعتها على قدها
الشاعر / حبيب العازمي