قالت:أبيك تقول:شنهو جديدك=قلت:الجديد بدنيتي كلها أنت
ما كني الا ساكن في وريدك=أنا جسد وأنته لي الروح لاهنت
كلي أريدك والمشاعر تريدك=بعد من الأعماق مني تمكنت
حسي وفكري صار ساعي بريدك=القاه عندك وين يازين ما كنت
كل نبضة(ن)فيني تنادي بعيدك=وينك تعال أقبل وكني تجننت
أقبل علي وخل عيدي وعيدك=يوم اللقا ما بيننا عيد يابنت
اليا تلاقى كف يدي بإيدك=يمكن تقول:أحسنت لو كان محسنت
هذا جديدي وأنت وينه جديدك=والا بعدك بقسوة القلب مالنت
ياسيدة منهو من الناس سيدك=اللي ملك قلبك وفوقه تمننت
اللي توده جوهرة فوق جيدك=وليا زعل من ماش فوقه تحننت