الطموح اللي سرة من نجد وامست فالحويه**ضيقة صدر الرياض وسافر الطايف وجاهـا
وانثنا غيم الحجاز لخد نجد النرجسيـــــــه ** يوم جاته من زعلها كنها تقصـر خطاهـــا
زعلوها ورحلت واخلة قصور الخالديـــــــــه **والحقتني شرهة الزعلان واخطاني رضاها
سافرت والله ما اخبر اللي يزعلها عليــــه **واستباحة يا الله الخيره سهر عيني وماهـا
ليتها يوم استباحة دمعة العين الشقيـه ** مااستباحة دم قلبي من خلاها في خلاها
سامح الله ظلمها وطعونها الخضر النديه ** والله يسامح خناجرها ويعفو عن خطاهــــا
عرضتني للهابيب والضما والمهمهيـــــه ** واتركتني للزعل والشوق والكبر وغلاهـــــــا
والغلا ماهو في يديها ولاهو في يديـــــــه** الغلا شي من الله واشهد ان الله عطاهــــا
والله انها لو توردني على حوض المنيه** كنها تسقيني الشهد المصفى من شفاهــا
ومن حلاها ما توصفها الحروف الابجديه** كيف توصف وردة(ن) يبري من العله شذاهــا
الورود تغار منها مزهريه مزهريـــــــــــه ** وان تباهت عذرها معها يحق لها تباهـــــــــــا
لايشابها شبيه ولا يحاليها حليــــــه ** جل رب (ن) يوم صورها فرقها عن سواهــــــــا
ليااقبلت هيجنت وان اقفت جذبت السامريه ** واعذابي ان عطتني وجهها والا قفاهــا
ان بدالي وجهها يسعد صباح اليوسفيه** وان غشتني نفحة من ليلها يسعدلي مساها
درة(ن) بالموت محروسه وبالبحرمحميه** البحر من دونهاوالموت الاحمر من وراهــــــــا
دونهاما اغليت واسم هلي شداد المطيه**مرخص فالقاع عمري والثرياء في سماهـــا
لايمي يبلا بحب الحضر في عيون بدويه** في ضروف(ن) مايقارب مستواه بمستواهـا
الله اقوى يافقير القلب ابو نفس غنيه ** نال الصبر و الجنه لقاهـــا من لقاهــــــــا
والهوى اللي يطرح الرجال في يدين اجنبيه** علة(ن)بالجوف لاتبرا ولا يلقى دواهــــــا
والهنوف اللي لرد الثار تاخذها الحميــه ** شفتها بالعين في قلبي وهي تاخذ قضاها
شفتها تشتاق تطعني بلا ذنب وخطيه** كثر ما تشتاق لاعماقي وانا اشتاق لدفاهــا
كل ما عرقت بميسمها تحريت لخويــه ** والحقت بالميسم الميسم كذا على عماهــا
عاقبتني كل يوم تلحق الكيه بكيـــــه ** اتعبتني وادركتني والحقت نفسي مداهــــــا
وان تمادت جهزواقبري وانابكتب وصيه ** وابا اكتب الله لايعاقبها ويرضى لي علاهـــــــا
العمار تلفها الايام والدنيا مديـــــــه ** السنين تلفني والنار تحرق من وطاهـــــــــــــا
علموهاتلحق الباقي مادام الشمس حيه**واتغانم ما بقا مني وما تطلب فداهـــــــا
لاتمادا في جفاها والرياح الموسميه ** مايقدر وقفت الاشجار وتثمن عطاهـــــــــــــــا
علموها مابقي لي غير ادن الهاشميه**كان ترضاها علي والا تهون من جفاهــــــــــا
وانصحوها لاتحمل نفسها نفس(ن)بريه**وذكروها بالقبر لعلها والا عساهــــــــــــــــــــا
وعلموها علموها لاتطول فالحويه** ديرت(ن) ماهي بديرتها لو اعجبها هواهــــــــــــــا
الشاعر ضيدان بن قضعان
الطموح اللي سرة من نجد