على هذا المكان ومن رعاه ومن تربع فيه
سلام وراية الاسلام فوق الراس مرفوعـه
ترف بكل عز وكل مجد وضمهـا بيديـه
امام المسلمين وكلمتـه بالكـون مسموعـه
أخص القايد الاعلى فهد درع الوطن حاميه
من العدوان ما عاثت فلول الشرك بربوعـه
ملكنا اللي نحبه ثم نحبـه والغـلا نغليـه
على دربه نسير ونستنير الـدرب بسموعـه
ملكنا اللي يشرف حاضره ومشرفٍ ماضيه
يسجل له مدى التاريخ للتاريـخ موسوعـه
ملكنا اللي فتح قلبـه لنـا يالله لنـا تحييـه
فريدات الخصايل في مقر العـز مجموعـه
يصون مقدسات وبالثبات مخططه ماشيـه
عسى أوطانه لبراق الحيا بالرجع مرجوعـه
تمتعنا بعهده بالرخـاء والخيـر والترفيـه
شربنا الماء قـراح ومدنـا وامتـد ينبوعـه
ليا صّدر قرار يتم وبريشة قلـم يمضيـه
يورّد جـاري التنفيـذ والاوراق مدفوعـه
الشاعر:خلف بن هذال العتيبي