مستغربه كيف الهوى فـي الكتابـه // وكيف الجفا والجرح واحلام الاحباب
كيف اكتب الفرقا همـوم وكـآبـه // وكيف انهمر دمع القصيده للاغـراب
ياكيـف قلبـي مافتـح يـوم بابـه // وفي دفتري شوق وتناهيـد وعتـاب
لا والـذي خلى المشاعـر تشابـه // ماهي غريبه لوعرفتـي بالاسبـاب
بعض القصيد بدفتـري يلتهـى بـه // عن الزمان وعن سواليـف كـذاب
وبعضه تلّون فـوق راسـي وشابـه // وبعضه كتبته في مجاريح واصحاب
وبعضه نثرته فـي طريـق الذيابـه // ناس ٍعوت من خلف جدران وابواب
وبعضه كتبته لجـل لحـن الربابـه // غنوا به احباب ٍوغنوا بـه اجنـاب
ونصفه نزفته يومـه اعلـن غيابـه // شيخ ٍ بكته عيـون غلـم ٍ وشيّـأب
لا تحسبينـي بـاخـل ٍ بالإجـابـه // بعض القصايد ودهـا تلبـس ثيـاب
وما كل مافي داخلـي ينحكـى بـه // جوف الرمايد لو قضى الليل شبّـاب
وان كـان ودك ابتـدي بالكتـابـه // هاتي الورق وسلهمي لـي بالاهـداب