يابن هليل شد حيلك واحتزم ياالاجودي=الليله الليله ترى ماهي سوات البارحه
قدامك الميدان والميدان حزم(ن) جرهدي=اقدح بزندك يارفيقي مع زنود(ن) قادحه

الدرب قدامك وحذرا يـا رفيقـي تحتـدي=معك عيونك شوف وين الضاويه والسارحه
أنا على عهدك وسيفي يالعتيبي في يـدي=ياكم واحد طاعنـه بالسيـف والا جارحـه

انت المخير يارفيقي وش تحب ونبتدي=والحاليه ياصاحبي ماهي سوات المالحه
مااقول فيك قصور فالميقاف عزي وسندي=والذيب مايرقد ليا من شاف فرصه سانحه

إن جاتني منكم كبيرة قلت زله يا ولـدي=وإن جاتكم مني أبوكم والأبو بتسامحـه
خلك معي بالدرب لاتقعد خلافي وبعـدي=أنته وأنا من فاز بالطاروق محد(ن)مادحه

مادامك انت بحسبة الوالد فانا ماني ردي=اعز مقدارك وصدرك بالمعزه شارحه
ياعار فتنا كيف اجي قدمك وحضرتك القدي=العود يابو زيد ورثك العروق السابحه

قود المعاني قودها خل السوالف تهتدي=ترا صلاتك ما تتم ليا تركت الفاتحـه
ودك تحج قران والا حجتك بالمفـردي=العمر يفنى ما يدوم الا العمال الصالحه

الفرق واضح بين من هو ملتحي والامردي=واللي سنونه طافحه قالوا سنونك طافحه
الاوله نذبح فدي والثانيه مابه فدي=لكن نويت الاوله حتى تحوم الجارحه

أشوف نارك يا وسيع المعرفه بترمدي=قرب حطبها شبها ماعاد فيه مصالحه
أما شويتك جوفها والا بغيرك تفتـدي=دام الشرا والبيع جائز والنظام مرابحه

ترى الغرور يدهو ر الواحد وفاالدرب يغدي=ماعاد فيه مجامله مافيه غير مصارحه
ماينشوي غير الفراش اللي على النار يعدي=والله عوين الطيبين اهل الوجيه الفالحه

نبا نخليهـا ثنيـة والسعـد للمسعـدي=العرب ما عاد تاكل من لحـم القارحـه
بيض الله وجه أبو فواز رجل(ن)أجودي=والسوالف كلهـا ياصاحبـي امازحـه