قصيدة من نوع المجالسي المشهور بمنطقة الحجاز
1)عبدالله أنا أوصيك واسمع جـوابي= ما دامت إنــك في حتـــون الشبـــاب
اسمع جواب مجرب بعد شــــــاب=اخذ الجـــواب وحذري النصح تعصـاه
2)ترى الحياة تمـــر لو هي طويلــة=مثـــل المظـــل بشجــرة في مقيـــلـة
يقضي بها ساعة وواصــل رحيلـه= يا سرع مقيـــاله ويا ســـرع ممشـــاه
3)احذر من الدنيا كفى الله غرورها=ما ثابت اللـــي ساكـن في قبورهـــــا
تبرق لهم ســاعة وزائل مرورهــا=ما دامت الدنيــــا وشــــي ملكنــاه
4)الأولـــه اجعل إلهــــك رقيبـــك=في كل ما تفعــــل وربــك حسيبــــك
ما كتب لك لابد واللــــه يصيبك=كثر الحــــذر ما احد من الخلق نجــاه
5)واحفظ حقوق الرب يحفظك ربــك=من كل مكــــروه ويوســـع برزقـــك
والتــــوبة اجعلها خليفة لذنبك=واحذر عقوبى الذنب لو كان ما أحلاه
6)جانبــك خلـــه ليــنٍ للقـــريبي=وأعط الحقـــوق الواجبــــة للغــريبي
وف بلزومك كاملـــة يا لبيــــب=من قدم الطيـــب مع النــاس يلقـاه
7)من واجبك تأصل قريبك وتغليـه=لو كان كف الوصــــل للبيــت تلفيـه
وان كان معــــك شي لابد تعطيـــه=لا تقطـــع حبــال لقــريب وصلنـــاه
8)وصل الرحم يابوك ماهي معيبة=لو كان حتـــــى من رجـــال حريبـة
ما بالك إن كانــــوا عـــزاة قريبة=ذولاك واجبهــــم غصـــائب مثنــاة
9)الرجـــل ما يصــلح بليا عــــزاته=هم سيـــفه البتــــار وهــم عصــاته
من غيرهم يا ولد وش هي حياته=لا خيــــر في رجــــل غدا ماله عــزاة
10)إن جـــاك زلـــة من قريب موالي=اصــبر عليهـــا مثل صبــر الجمــال
خلك على الأقــراب مثل الظـلال= فــال الرجـل يطيب لن طـاب ملفـاه
11)وإن جـاك ضدة من خصيم بعيد=كيــده ومثـلك للمعـــــادي يكيـــد
لا يفجعــــك خصــم قــوي عنيد=بالعـــزم تأخــذ ما تريــده وتبغــاه
12)وإن جاك طالب حق عندك يريده= أعطــه قبـل بأصلك ســـاعي بريــده
الحــق حــق ولا نــدم من يفيده=يا حـظ من عِـرفه ومن نفســه أعطـاه
13)والجـــار اله حــق كبيــر لجــاره= مـا دامت إنــه ســـاكن جنــب داره
خلك عريب جدود واحفظ ذماره=يا طيب من جــاره على الــزاد ناداه
14)وليا نصتــك اللازمــة لا توخــر=و احــذر على غيــرك تجـــور وتكبــر
من عاش في غيٍ ذهب ما تعمر= يذهب عزيز المــال والذكــر ما أبقــاه
15)عليك في مــالك حقــوق كثيـرة=للجــائع المحتـــاج واللـــي فقيـــــرة
أعط اللزوم الواجبــة للعشــيرة=بالمـــال تكسب طيب الذكــر والجــاه
16)ابعد عن النمام واللي جليســه=ما فيدهــم غير العلــــوم الفليســـة
يضحك بوجهــك ويجمع بكيسه=وإن غبــت عنه يقــول شي سمعنــاه
17)تحسبه اليا جيته يشقق ثيــابك=لا تأمنــه يفــــرح ليــــا شي صــابك
اللي حكا لك بالمجــالس حكا بك= ينقـــل مع العـــربان حكي حكينــاه
18)واحذر تغــرك بنت لاش بخيـلِ=يجــــي ولدهــــا بالمـــــلاقى ذليـــلِ
لا خير في خـــاله ولا بالخليــــلِ=يصبح ولـــدها بين الأجــواد مـــزراه
19)ما ينفعــك في شي هذا بليـــة=يصبــــح على نـــارك مشــابه عليّــة
ليا نخيتـــه قـــام كنــه وليــة=يمســـح دموعــه بــاكي فوق بلـــواه
20)ابعد عن اللي ما تعرفون خالها=لو جـــات بين النـــاس فاتــن جمالها
ماأنت بداري كيف تطلع عيالها=يصبح سوى وجـــه الفتى مع مقفـــاه
21)واحذر تغرك ناهد شفها العشق=لو كــان قالـــت من هـــواك أتحـــرق
ما تنومن يابوك لو غبت تسرق=ما تنـــومن هـــذي بهــذا مضـــراه
22)دور عن اللي ساسها من شجاعة=هـــذي ورب البيــت هي الطمــــاعة
هذيك ما تبغي الدلــع والمياعة=على الشــرف والطيــب قبلك مربــاه
23)دور عن اللي عــزها في نسبهــا=يفخــــر بهـــا من هو لبيته طلبهـــا
يجــي ولدها قطعــة من عـربها=ليـــا نصتـــه الواجبــه ما تعــــــداه
24)وختامها مني صـــلاة وســلام=على شفيــع الخلــق يـــوم الزحــــام
وأستـــغفر اللـــه كان قلنا آثام=ما همــي إلا طـــاعة اللـــه ورضــــاه